Uwazuruike akatọọla okwu Nnamdi Kanu

Uwazuruike akatọọla Nnamdi Kanu

Image copyright Getty Images

Onye ndu otu MASSOB bụ ralph Uwazuruike ekwuola na ogbo ya nke IPOB bụ Nnamdi Kanu anaghị achụso maka nwereonwe Biafra kama na ọ bụ nke onwe ya.

Uwazuruike gara n'ihu kwuo ka ndị mmadụ ghara ige ntị na mgbasa ozi Kanu nke sịrị ka ha emeela ntulika n'afọ 2019.

Ụlọikpe awụọla Fayose n'ala

Image copyright Lere Olayinka
Nkenke aha onyonyo EFCC si na Ayo Fayose ji ha ụgwọ ị zara ọnu.

Onye bụbu Gọvanọ Ekiti Steeti bụ Ayodele Fayose ga-aga n'ihu ị nọ n'aka ụlọọrụ EFCC dịka ụlọikpe ukwu dị na Legọs ekweghi atọhapụ ya.

Ihe a bụ abalị ise Fayose nọ n'aka ndị EFCC n'ihi ebubo iri na otu banyere mpụ na nrụrụaka ego.

N'ofesi

Mba Saudi Arabia ekwetala n'eziokwu na egburu onye ntaakụkọ Jamal Khashoggi egbu nke butere oke ihe itimkpu na mba ụwa.

Minista mba ahụ na-ahụ maka mba ndị ọzọ bụ Adel al-Jubeir kwupụtara nke a ma gọọ na aka onyeisiala ha adịghị n'ọnwụ nwa amadị ahụ.

N'egwuregwu

Image copyright Reuters

Onye nchịkọta otu Manchester United bụ Jose Mourinho agaghị anata ntaram ahụhụ maka ọgbaghara mere mgbe ha na Chelsea zutere n'izuụka gara aga.

Otu FA ekwuola na ha adọọla Mourinho aka na ntị banyere agwa ọkpara n'oge ọgbaaghara ahụ.

Nkeji n'abalị

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ịkọ mgbe ọbụla

Ihe nkiri nke taa

Ngwaọrụ gị akwadoghi ọkpụkpọ mgbasa ozi
Media captionIPOB: A taghịm Nnamdi Kanu ụta

Nnamdi Kanu akpalitela mkparitaụka d iche iche na social media

Image copyright NNamdi Kanu/ Facebook

Ọtụtụ ndị mmadụ ka na-ekwu uche ha gbasara ozi Nnamdi Kanu zipụrụ na Facebook ụnyaahụ.

Social media na Naijiria nwurula ọkụ makana mkparịtaụka dị iche iche malitere ebe ụfọdụ ndị mmadụ kwetere n'ihe Kanu kwuru, nakwa ụfọdụ ekweteghị n'ihe o kwuru.

N'ime ozi ya, Kanu kwuru na IPOB ka na-alụ ọgụ inweta ala Biafra nakwa na agaghị enwe ezumike ma ọ bụrụ na Biafra apụtaghị dịka ala nwere onwe ha.

NLC na-enwe iwe ọkụ

Image copyright Getty Images

Otu na-ahazi ndị ọrụ na Naịjirịa bụ Nigeria Labour Congress (NLC) ekwuola na ha ga-ebido abụbụ ọrụ n'ụbọchị isii n'ime ọnwa Novemba ma ọ bụrụ na gọọmentị emeghị ihe gosiri na ha ga-akwụ ha ụgwọ opekatampe ruru puku naira iri atọ.

Ha kwuru na abụbụ ọrụ a ga-abụ nke kachasị ukwu na Naịjirịa.

Mmadụ 30 emerụọla ahụ na Canada

Image copyright EVN

Mmadụ ruru iri atọ na-eme mme mme na mahadum Clemson n'obodo California na mba Amerịka emerụọla ahụ oge ala ha kwụ ọtọ n'elu ya dakpuru n'ime.

Ndị gbatagbata kwuru na ọtụtụ mmadụ gbajiri ọkpụkpụ dị iche iche na ya bụ mberede.

Kimi Raikkonen emeriela Lewis Hamilton

Image copyright Getty Images

N'egwuregwu, Kimi Raikkonen emeriela onye ọkwọ ụgbọala bụ Lewis Hamilton, n'asọmpị US Grand Prix.

N'asọmpị Premier League, Arsenal na Leicester City ga-asụkọta isi n'elekere asatọ nke abalị taa.

Gee nkeji nke taa

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ịkọ mgbe ọbụla

Lee ihe nkiri nke taa

Ngwaọrụ gị akwadoghi ọkpụkpọ mgbasa ozi
Media captionPeter Obi: Ndigbo so na ndị wulitere Naijiria