#BBCGovDebate: Nrụrịtaụka BBC Igbo niile abịala na njedebe

Ihe ndị dị mkpa mere taa

Nrụrịtaụka ọkwa gọvanọ nke BBC Igbo hibere emechiela taa dịka emere nke Ebonyi steeti n'ehihie ụbọchị Sunde.

Cheta na nrụrịtaụka a malitere na Imo steeti metụtakwara Abịa steeti dịka Igwe mmadụ pụtara ịjụ ndị ọchịchị ajụjụ dị ha mkpa.

Ọzọ,

Onyeisi ụlọụka Redeemed na Naịjirịa bụ Pastor EA Adeboye emerela osote onyeisiala Naịjirịa bụ Yemi Osinbajo ụka mmamma n'ụbọchị sunda

Nke a bụ maka ụgbọelụ helịkọpta bu ya dara n'obodo Kabba na Kogi steeti n'ehihe satọde.

Na mba ofesi,

Image copyright Reuters

Ụfọdụ ụmụnwanne ndị nọ n'ụlọ mkpọrọ dị n'obodo New York emeela ngagharịwe maka ọnọdụ esi debe ụmụnwanne ha na mba Amerịka

Iwe ha bụ na oyi na-atụgbu ụmụnwanne ha dịka ha enweghi ọkụ latrik maọbụ mkpoọkụ n'oge oke oyi a na mba ahụ.

N'egwuregwu,

Image copyright Getty Images

Mmeri otu Manchester United meriri otu Leicester city na mgbede sunde ga-eme ya mmerị itoolu n'ime asọmpị iri otu Man U riterela n'okpuru onye ndu ọhụrụ ha bụ Ole Gunner Solskjaer.

Ọ bụ Marcus Rashford nyere ọkpụ goolu ha jiri dọka neetị ndị Leicester

Akụkọ BBC Igbo na nkeji

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ịkọ mgbe ọbụla

Akụkọ dị mkpa n'ụtụtụ

Ndọrịtaụka nke BBC haziri maka ndị na-azọ ọkwa gọvanọ jisike aga n'ihu ugbua.

Taa ọ ga-akpọtụ n'Ebonyi steeti ebe ndị na-azọ ọkwa gọvanọ na steeti ahụ ga-enwe ndọrịtaụka gbasara etu ọchịchị ha ga-esi bara ndị steeti ahụ uru.

Gọvanọ na-achị Ebonyi steeti ugbua bụ Dave Umahi ma bụrụkwa onye otU PDP so na ndị ga-eme ndọrịtaụka a.

Ndị ọzọ ga-eso gụnyere Nnaji Igbokwe onye otu pati Accord nakwa Ogbonnaya Okorie bụ onye otu Advanced Allied Party.

BBC Igbo ga-ewetere unu ka o sị aga mgbe a ga-amalite ya bụ ndọrịtaụka taa.

N'akụkọ ọzọ,

Inec etiela aka n'obi

Image copyright AFP
Nkenke aha onyonyo INEC kwuru na ha adịla njilkere maka ntuliaka na-abịanụ

Dịka ntuliaka nke afọ a na-akpụkete nso, ụlọọrụ na-ahụ maka ntuliaka akpọrọ INEC n'ichafụ ekwuola na ha adịla njikere ịme atụmaatụ a.

Onyeisioche ngalaba na-ahụ maka mgbasa ozi na Inec bụ Festus Okoye kwuru na ha ebugala ngwa ọrụ a ga-eji mee ya bụ ntuliaka n'ụlọakụ ukwu bụ Central Bank of Naịjirịa ebe a ga-esi bụga ya ebe ndị a

ga-eme ntulaiaka n'abali ga-efopụta ụbọchị ntuliaka.

N'ofesi,

Image copyright AFP
Nkenke aha onyonyo Onye otu Africa Union akporọ Smail Chergui so wee hibee mkakorịtaụka a

Enwela nkwekọrịta udo n'etiti otu nnupuisi ruru iri na anọ na gọọmenti etiti Central African Repọblịk ka enwechara mkparịtaụka na mba Sudan.

Ọ bụ ndị ozi United Nations nọ na CAR akpọrọ Minusca nakwa Africa union bụ ndị kwadoro ya bụ mkparịtaụka kwuputere nke a.

N'egwuregwu,

Image copyright Getty Images

Chelsea ji ọkpụ goolụ ise asataghị otu merie Huddersfield, TottenHam tikwara Newscastle otu ọkpụ goolu asataghị otu, Cystal Palace jikwa ọkpụ goolu abụọ asataghị otu wee merie Fulham ebe Wolves tiri

Everton mmanwụ site n'inye ha ọkpụ goolu atọ asatara otu n'asọmpị Premiere League ụbọchị Satọde gara aga.

Nkeji taa

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ịkọ mgbe ọbụla

Ihe nkiri taa

Ngwaọrụ gị akwadoghi ọkpụkpọ mgbasa ozi
Media captionNdị Awụsa bi Ebonye pụtara ịkwado Atiku