CJN Onnoghen: Ọkaikpe Muhammad eduola ndị otu ngalaba mkpesa ntuliaka 250 n'iyi ọrụ

Akụkọ dị mkpa

Ndi ọkaikpe Image copyright Aliyu Tukur

Ọkaikpe ukwu Naịjirịa were n'ọrụ ịnọchịte anya Walter Onnoghen bụ Ibrahim Tank Muhammad, eduola ndị ga-anọ n'isi ikpe ntuliaka n'iyi ọrụ.

Atụmatụ a bu ihe Onnoghen na-ahazi ime taa bụ ụbọchị iri abụọ na isii nke ọnwa Jenụwarị 2019, tupu Onyeisiala Muhammadu Buhari achụpụ ya n'akụkụ maka ebubo na ọ dara iwu.

Ndị eduru n'iyi ọrụ bụ mmadụ 250, nke onyeisi na ndị nkwado so n'ime ha.

Nke a n'abịa ka ụlọ mmekọrịta Amerịka na Naịjirịa dị n'Abuja dere na etu Onyeisiala Buhari si wepụ Onnoghen na-ama ha obi jijijji.

Ha sị ka Naịjirịa mee ihe etu o kwesịrị maka okwu a, ma mekwa ya ọsịsọ.

N'otu aka ahụ, n'agbanyeghi na Nigerian Bar Association katọrọ mwepụ Onnoghen, ọkammụta Itse Sagay ekwuola na Buhari nwere ikike ime ihe o mere.

Sagay sị na Onnoghen dara iwu, ma kweta na ya dara iwu, nke mere na o kwesịghịzị ịnọ n'ọkwa dịka ọkaikpe ukwu nke Naịjirịa.

Nnia Nwodo s ka ntoroọbịa kaa obi

"Ndị ntoroọbịa ụwa ọhụrụ adịghịzị aka obi ka ndị gboo"

Onyeisi Ohanaeze ndị Igbo bụ Nnia Nwodo kwuru nke a na mkparịtaụka ya na BBC nwere.

Ọ kọwara na ndị chịrị Igbo na gboo na-ebido n'okoroọbịa ahazi makwa chịa obodo dịka Nnamdi Azikiwe na ndị ọzọ siri mee.

N'egwuregwu,

Image copyright Getty Images

Naomi Osaka akwụrụla dịka eze ka ọ pịapụrụ Petra Kvitova maburu iko n'asọmpi tenis bụ Australian Open.

Cheta na Osaka bụzị onye mbụ na tenis ugbua, pịapụkwara Serena Williams n'asọmpi US Open n'afọ gara aga.

Atiku, Saraki na PDP akatọla Buhari

Image copyright @Atiku

Mkpọtụ ka na-ada banyere nwezuga onyeisiala Muhammadu Buahri mere Ọkaikpe ukwu Naịjirịa bụ Walter Onnoghen.

Onye na-azọ ọchịchị n'okpuru PDP bu Atiku Abubakar katọrọ atụmatu ahu ma kwuo na o na egosi aka ike. PDP na onyeisi ndi omeiwu naijiria bụ Bukola Saraki sokwa katọ nnapu ọkwa a emere Ọkaikpe Onnoghen.

PDP gara n'ihu kwuo na ha ga-akwụsị achụmnta vootu ruo abalị abụọ iji gosi iwe ha maka ihe mere.

Pati Moghalu na Durotoye abịakọtala ọnụ

Image copyright @ANNigOfficial

Mmadụ abụọ na-azọ ọkwa onyeisiala bụ Kingsley Moghalu na Fela Durotoye ekwekọrịtara na ha ga-anyukọ mamịrị ọnụ ịhụ na ọgbara ụhụhụ ga-enye ha ihe ha na-achọ.

Ozi a si n'Ọnu onye na-ekwuru pati YPP bụ Bishop Amakiri na nke ANN bụ Emmanuel Dania sị na ha abịakọtara iweputa atụmatụ ha kpọrọ THE Force.

Trump ekwerela ka ụlọọrụ gọọmenti Amerịka gbapee

Image copyright EPA

Ụlọ ọrụ gọọmentị agbapela na mba Amerịka ka omere ụbọchị iri ato na atọ onyeisiala Trump na ndi omeiwu bidoro ndọrọndọrọ ego o chọro ka eji rụọ mgbidi na oke ala ha na mba mexico.

Mgbape bịara n'azụ ulo omeiwu ukwu nake obele binyere aka n'iwu ga-enye ohere ka enwete ego a ga-eji kwuo ndi ọrụ ụgwọ.

Sanchez d ọkụ ụnyaahụ

Image copyright Getty Images

Alexis Sanchez lagachiri ama egwuregwu ọ nọbu mgbe Manchester United na Arsenal zutere ụnyaahụ.

Agbanyeghị na ndi na-akwado Arsenal na-akwa ya emo, Sanchez gbapere goolu na asọmpị ahụ Man U ji ọkpụ goolu atọ asatara ọtụ si Arsenal ka nụ.

Gee akụkọ ndị a ebe a:

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ịkọ mgbe ọbụla

Ihe nkiri taa:

Ngwaọrụ gị akwadoghi ọkpụkpọ mgbasa ozi
Media captionIhe Ohaneze jiri kwụnyere Atiku - Nnia Nwodo