Akụkọ kachasị n'ụtụtụ a: EFCC si na ha agaghị enye nrụrụaka ohere na 2019

EFCC na-enyocha ụlọakụ na ndị ndọrọndọrọ ọchịchị

Image copyright @officialEFCC

Ka a na-akwado ntuliaka nke 2019, ngalaba na-ahụ maka mpu na aghụghọ bụ EFCC na-enyocha ụlọakụ na ndị ndọrọndọrọ ọchịchị maka ịchọpụta ndị na-enupu isi n'iwu ego nrụrụaka

Ndị agha na ndị uweojii kwara isi n'Aba ụnyaahụ

Image copyright Getty Images

Anya hụrụ mgbe ihe a mere kwuru na nsogbu bidoro mgbe ndị agha kparala onye uweojii aka ma chọ ịkpụba ya n'ụlọọrụ ha.

Ndị ntaakụkọ na-ekwu na mgbọ egbe gbụrụ mmadụ atọ n'ọgbaghara a ka ndị ọzọ ekwughị ole ha dị merụrụ ahụ.

Paul Manafort agaala mkpọrọ

Image copyright Getty Images

Onye bụbụ onye nhazị ndọrọndọrọ ọchịchị nke onyeisiala Amerịka Donlad Trump bụ Paul Manafort nọ na nga.

Nke a mere ka ọkaikpe na Washington DC kwuru na Manafort na-amaja ndi ga-agba akaebe n'ikpe ya.

Super Eagles na Kroeshịa na-akwado ịsụ mpi

Image copyright Getty Images

Ọ bụ taa ka Naịjirịa ga-ebido njem ibute iko mbaụwa. Ndị Super Eagles ga-ezute Kroeshịa na-elekere asatọ nke abalị a.

Cheta na Ronaldo nke Portugal ritere goolu atọ n'asọmpị a na Spen gbara nhatanha.

Gee akụkọ anyị

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ịkọ mgbe ọbụla

Lee ihe nkiri anyị n'ụtụtụ a

Ngwaọrụ gị akwadoghi ọkpụkpọ mgbasa ozi
Media caption'Etu m ga-esi kiri asọmpị Naịjirịa na Kroeshia'