MASSOB: Anyị kwụ Bianca n'azụ - Uwazuruike

Akụkọ ndị kachasị mkpa mere taa:

Akụkọ ndị dị mkpa taa:

MASSOB akwadola Bianca Ojukwu

Image copyright Bianca Ojukwu/ facebook
Nkenke aha onyonyo Ojukwu lụrụ Bianca n'afọ 1994

Onyeisi ndị MASSOB bụ Ralph Uwazuruike ekwupụtala nkwado ya n'ebe nwunye Ojukwu bụ Bianca Ojukwu nọ n'ịzọ ọkwa Sineti ndị Anambra Saụt.

Uwazuruike sị na ọ mere nke a n'ihi mmekọrịta dị n'etiti ya na Odumegwu Ojukwu mgbe ọ ka nọ ndụ.

Kwụsịnụ inyocha ọbaego ndị mmadụ - Idris

Image copyright @PoliceNG_PCRRU
Nkenke aha onyonyo @PoliceNG_PCRRU

Onyeisi ndị uweojii bụ Idris Ibrahim n'iji chekwa ugwu ruru ndị oweojii na Naịjirịa, adọọla ndị ọrụ nchekwa FSARS aka n'antị ka ha kwụsị enyocha ọbaego, ekwentị nakwa igwe kọmputa ndị mmadụ na anataghi ikike n'ụlọikpe.

Idris kwuru na ọnye ọbụla mere nkea ga-achọrọ ụzọ ụla.

Akụkọ si mba Sudan

Image copyright Radio Miraya

Mmadụ iri na itoolu anwụọla mgbe obere ụgbọelu bụ ndị mmadụ sọbara isi n'ime mmiri dị na mpaghara ndịda Sudan.

Naanị mmadụ anọ gụnyere ụmụaka abụọ zọrọ ndụ, ebe onye Bishọp ụka Angịlịkan so na ndị nwụrụ anwụ.

N'egwuregwu

Image copyright Getty Images

Onye nchịkọta otu egwuregwu bọọlụ mba Libya bụ Adel Amrouche arịọla ndị Naịjirịa mgbaghara maka ikwu na ha ji ọgwụ agba bọọlụ.

Amrouche kwuru na ọ bụ egwuregwu ka ọ n-ekwu mgbe o kwuru okwu ahụ.

Nkeji abalịa

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

Ihe nkiri nke taa:

Ngwaọrụ gị akwadoghi ọkpụkpọ mgbasa ozi
Media captionỤzọ ọjọọ egbuola anyị - Ndị ọkwọ ụgbọala

Ndị agha Naịjirịa eweela iwe ọkụ

Ndị agha Naịjirịa eforola ntutu taa na oge erula mgbe ha ga-akwụsị ogbugbu ndị mmadụ nke ndị ọchịehi na-egbu na Platu steeti.

Image copyright Getty Images
Nkenke aha onyonyo Ndịagha Naịjirịa kwuru na ọ bụ ndị na-alụ ọgụ Operation Lafiya Dole gbapụtara ndị a

Onyeisi agha a kporo operation safe Haven bụ nke a na-eme na mpaghara ahụ bụ Major General Augustine Agundu kwuru na o zuola.

Naịjirịa

Nwa Chukwuemeka Odumegwu-Ojukwu bụ Chukwuemeka Odumegwu-Ojukwu Jr. ekwuola na nsogbu ha nwere ebe nwunye nna ha bụ Bianca nọ bụ na o were akụnaụba nna ha, ya kpatara ha agaghị akwado atụmatụ ya ịzọ ọchịchị.

Image copyright Bianca Ojukwu/ facebook
Nkenke aha onyonyo Ojukwu lụrụ Bianca n'afọ 1994

Agbanyeghi nsogbu ndị a, ndị ihe Bianca na-amasị agbarala ya akwụkwọ ịzọ ọkwa sineti n'Anambara Saụt n'okpuru pati APGA.

Akụkọ mba ofesi

Mba Nọt Koriya emela mmemme ndị agha ebe oro ruru afọ iri asaa e kewapụtara ya bụ mba a na-akpọ Democratic People's Republic of Korea.

Image copyright AFP/Getty
Nkenke aha onyonyo The military parade appeared toned down following a summit between Kim Jong-un and Donald Trump

Ndị mmadụ na-elele ya bụ mmemme ka a mara ka a ga-ahụ ngwọagha nuklia ọbụla mana o nwebeghi nke a hụrụ.

N'egwuregwu,

Naomi Osaka bụ onye mba Japan emeriela Serena Williams n'asọmpi US open.

Image copyright AFP
Nkenke aha onyonyo Naomi Osaka n'aka ekpe bere akwa oge a na-enye ya nturuugo ya

Nke a bụ mbụ onye mba Japan na-enweta ụdị mmeri ahụ mana Serena Williams bụ onye Osaka na-elegara anya were oke iwe oge ha na-asọmpi ahụ.

Gere akụkọ mere na mgbede a n'otu nkeji:

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile